WONDERS OF EGYPT

FERÐIN

Fyrsti áfangastaður reisunnar var Egyptaland. Ferðin þangað var löng miðað við að landið er ekki svo rosalega langt í burtu, örlítið sunnar en Evrópa. Við lögðum í hann eldsnemma um morguninn 1.janúar og biðum svo í London í um 10 tíma. Tókum þaðan næturflug og lentum um morguninn í Cairo.

Þannig að þetta var illa planað af okkar hálfu, tók okkur 48 klst að fljúga:

Keflavík- London- Cairo

Við lentum því í Cairo 2.janúar eftir að hafa verið meira og minna vakandi í tvo sólarhringa og vorum við frekar ringluð og þreytt. Við vorum ekki búin að fá töskurnar okkar þegar sölumenn voru mættir að selja okkur far og pakkaferðir en við vorum með bílstjóra frá hótelinu sem beið okkar fyrir utan flugvöllinn, mjög þægilegt. Á leiðinni á hótelið var ég án gríns smá hrædd um að hann myndi ræna okkur og keyra eitthvað lengst út í buskann. Sem hann gerði að sjálfsögðu ekki og var ég bara ósofin og í nýrri heimsálfu rétt fyrir sólarupprás. Til að lýsa þreytunni aðeins betur þá fannst mér góð hugmynd að taka skyndiákvörðun og hlaupa 10km í Gamlárshlaupinu og bætti ég meira að segja tímann minn. Þannig að það má segja að ég hafi verið alveg búin á því haha! Sé samt ekki eftir því og ætla ég líklegast að gera það árlegt, (er það ekki Svava? ) geggjað að klára árið með góðu hlaupi!

Þetta var semsagt mjög skrautleg byrjun á langþráðri 4 mánaða reisu. Ég veit ekki hvaða bjartsýni það var að halda að við myndum sofa eitthvað aðfaranótt 1.janúar. Mér finnst mikilvægt að skrifa líka um svona ,,misheppnaða” hluti þó að reisan í heild sinni hafi gengið mjög vel þá fer þetta allt saman í reynslubankann. Ég mæli semsagt með því að reyna að komast hjá því að fljúga 1.janúar. Eftir að hafa kynnt mér málið þá veit ég núna að það er einn vinsælasti ferðadagur ársins og fundum við fyrir því. Það voru afar langar raðir í Leifsstöð og þurftum við ásamt langflestum að spretta inn í vél til að hreinlega missa ekki af fluginu.

Við komum á hótelið klukkan sjö um morguninn en fengum ekki herbergi fyrren um hádegi. Vá hvað við vorum þreytt. En við lögðum okkur loksins & þegar við vöknuðum var sólsetur. Við fórum þá út á svalir en hótelið er staðsett á Giza svæðinu & var því ÆÐISLEGT útsýni yfir píramýdana & Sfinx. Sko ólýsanlega fallegt, ég gleymdi allri þreytu & bugun á sekúndunni.

PÍRAMÍDAR

Daginn eftir lá leiðin á aðal staðinn, að skoða píramídana. Vává þeir voru flottari, stærri & stórkostlegri en ég hafði séð fyrir mér. Egyptaland er land sem veldur ekki vonbrigðum & á ég erfitt með að skilja hvernig píramýdarnir voru byggðir í gamla, gamla daga. Við fengum fararstjóra sem fór m.a. með okkur þangað en hann var algjört krútt & talaði góða ensku en við skildum hann samt takmarkað vegna hreims.

Okkur bauðst að fara inn í stærsta píramídann. Við fórum inn en ég fór aftur út þar sem ég á fylltist af innilokunarkennd & var hrædd um að hann myndi molna niður akkúrat þegar ég var þarna, frekar steikt þar sem hann er búinn að standa í 4.580 ár… Ég fór aðeins út að anda & beit svo á jaxlinn & fór inn fyrst að ég væri nú þarna. Tröppurnar upp voru t.d. 1×1 meter & fólk á fullu að reyna að komast bæði upp & niður & engin regla á því. Mér finnst samt frábært að leyfa píramídunum að vera hráir eins & þeir voru upprunalega en ekki breyta þeim í einhvern túristastað. Tröppurnar leiddu upp að grafhýsi þar sem faróarnir hvíldu.

MINJAGRIPIR

Fararstjórinn okkar fór með okkur til sölumanna, bæði sem seldu myndir & ilmolíur. Myndirnar eru búnar til með fornri hefð úr papyrus plöntu & var gaman að sjá hvernig þeir búa hana til. Við keyptum ekki neitt í þetta skiptið þar sem við áttum langt ferðalag fyrir höndum & gátum ekki bætt við fleiri hlutum í bakpokann. Mér finnst þó mikilvægt að styðja fólkið í landinu sem ég er að heimsækja & mun ég kaupa minjagripi þegar ég kem hingað aftur. Sölumennirnir voru sko ekki sáttir með okkur þegar við gegnum út tómhent… En fararstjórinn vildi fara með okkur þangað & mér þótti gaman að skoða svona ekta egypska hluti.

EGYPTIAN MUSEUM

Við skoðuðum egypska forngripasafnið þar sem var miiiikið af túristum en það truflaði mig ekkert. Við vorum með fararstjórann okkar & hann leiddi okkur á milli. Við skoðuðum allt sem við vildum & var gaman að hafa hann til að segja okkur frá sögunni á bakvið allt. Við sáum meðal annars múmíur en það mátti taka mynd af nokkrum þeirra. Ég mæli klárlega með að fara á safnið ef þú ert að fara til Cairo! Það var svo mikið að merkilegum & fallegum munum, sumt svo gamalt að ég átti erfitt með að ná utan um það.

THE HANGING CHURCH

The hanging church er elsta kirkjan í Egyptalandi en hún er 1700 ára gömul. Nafnið hennar kemur til vegna þess að hún er byggð ofan á rómverskt virki. Hún er í gömlu Cairo.

Haukur sáttur með kveðjugjafirnar frá hótelinu.

Ég ætla að enda þetta á að quotea í hótelstjórann á hótelinu okkar ”maybe this is a three star hotel but our service is five star.” Þetta var svo sannarlega rétr því allir starfsmennirnir vildu svo sannarlega allt fyrir okkur gera.

Þú getur fengið tilkynningu þegar bloggið uppfærist með því að skrá tölvupóstinn þinn í boxið á forsíðunni. Svo er alltaf gaman að fá komment undir færsluna ef þú hefur eitthvað fallegt að segja. Ef þú hefur einhverjar spurningar má alltaf senda mér línu á instagram 🙂

TAKK FYRIR AÐ LESA ❤

ELÍSA PÁLMA

2 thoughts on “WONDERS OF EGYPT

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: