GERÐUM VIÐ ÞETTA BARA!? // ZIMBABWE

27 daga Afríkusafari

WELCOME TO MY BLOG! ENGLISH VERSION BELOW. Velkomin/n á bloggið mitt! ❤

TEYGJUSTÖKK

Ég trúi stundum ekki ennþá að við höfum gert þetta en við fórum í teygjustökk!! Margir í kringum okkur skilja ekki hvernig við gátum það því mörgum finnst þetta meira ógnvekjandi heldur en t.d. fallhlífarstökk en mér finnst það vera öfugt. Ég hugsa því hærra, því meiri áskorun.

Victoria falls bridge, brúin sem við stukkum af

Ég er stundum smeyk við svona lagað, ég get verið lofthrædd þegar ég er ekki í lokuðu rými, er smá sjóhrædd ef hann er ekki tær, eiginlega bara af því að ég er alveg hrikalega hákarlahrædd; þó að ég viti að þeir vilji ekki éta okkur… Fæ innilokunarkennd í rörum (hóst pýramídaupplifunin mín sem þið getið lesið um hérna), þannig að ég var með eitt markmið í ferðinni og það var:

FACE YOUR FEARS. Fara út fyrir þægindarammann og gera hluti sem eru óþægilegir. Ég held að mér hafi tekist vel til.

Teygjustökkið er staðsett í Victoria falls þjóðgarðinum þar sem stokkið er yfir Zambezi ánna en fossarnir sjálfir eru bakvið brúnna. Í ánni eru krókódílar og fallið er 111 metrar eða um 5 sekúndur af frjálsu falli. Er hægt að fá meira adrenalín kikk?! Við vissum alla ferðina að þetta væri í boði og höfðum við Haukur hugsað okkur að fara. Það var því hressandi að fá áskorun frá einum af vini okkar í hópnum að koma með honum í þetta. Þá var það ákveðið.

á leið í svaðilförina

Við fórum fjögur, Haukur, ég og tveir strákar. Einnig voru tvær stelpur í stuðningsliðinu okkar sem komu með og þeim leist sko ekki á þetta. Ég gleymi því ekki þega ég spurði eina: af hverju ætlar þú ekki? Uuuu af því að ég vil LIFA takk!!

…Jájá ekkert mál fyrir mig sem var smá stressuð en samt sem áður furðu róleg yfir þessu. Ég varð ekki hrædd fyrr en að röðin var komin að mér og ég fann allt þetta tómarúm fyrir neðan mig. Það er erfitt að útskýra það en líkamstjáningin mín sýnir að ég vildi alls ekki detta haha. Það á að vera með beina fætur og hendurnar út til hliðanna. Ég gerði það að sjálfsögðu ekki og vildi greinilega ekki sleppa fótunum af syllunni & baða höndunum út til að stoppa mig eða eitthvað. Burtséð frá líkamstjáningu minni sem er alveg eðlileg þá var þetta klikkaðslega gaman og ég mun muna eftir þessu alla ævi! Myndbandið af þessu er í highlights á instagram undir ZIMBABWE.

Það er mjög flott umgjörð í þarna og til að mynda tóku starfsmennirnir upp þegar þeir voru að preppa mig fyrir stökkið til að það sé sönnun fyrir því að allt sé rétt fest á. Svo segja þeir: festing 1, og næsti segir :check o.s.frv. þannig að þeir fara tvisvar yfir allt.

Beint eftir teygjustökkið röltum við yfir að skoða Victoriu fossana og þeir voru magnaðir, svo ótrúlega stórir og flottir. Það var mælt með að leigja sér regnslá því oft blæs mikið vatn á mann en við sluppum alveg við það.

MATOBO NATIONAL PARK

Við áttum mjög eftirminnilegan dag í Matobo þjóðgarðinum í suðvestur Zimbabwe. Þar eru hægt er að fara í gangandi leiðangur að finna hvíta nashyrninga. Það finnast tvær tegundir af nashyrningum í Afríku en það eru svartir og þeir eru mjög stórir og geta verið árasargjarnir. Við sáum slíkan í Tanzaniu & hægt er að lesa um það HÉR. Þeir hvítu eru minni og ráðast að öllum líkindum ekki á mann. Við vorum því að leitast eftir þeim. Það er algjör sorgarsaga í kringum nashyrninga heimsins en þar sem þeim fækkar með hverju árinu. Menn eru að drepa þá fyrir hornin vegna þess að það er gömul trú frá Asíu sem segir að hornin hafi lækningarmátt.. sem þau gera alls ekki. Þeir eru verndaðir í dag til að sporna við þessari fækkun þar sem þjóðgarðarnir eru vaktaðir allan sólarhringinn. Einnig er verið að saga af þeim hornin til að þeir séu minna skotmark en hornin eru einfaldlega eins og neglurnar okkar. Svo að það er sem betur fer sársaukalaust að saga þau af og svo vaxa þau aftur.

Við máttum ekki segja hvar við vorum á meðan við vorum þarna og svo þurftum við að skrifa undir líf okkar ef eitthvað kæmi uppá, að við værum þarna á okkar eigin ábyrgð. Frekar klikkað! Leiðarstjórinn okkar var algjör snillingur, hann vissi allt um dýrin, svæðið og gróðurinn og hafði mikla ástríðu fyrir vinnunni sinni. Hann fræddi okkur um ástandið á nashyrningastofninum og vill að allur heimurinn heyri þessi skilaboð, hversu heimskulegt og sorglegt að sé að drepa dýrin fyrir hornin!

við skitptumst á að fá að sitja í kóngasæti framan á safaríbílnum

fallegir munir á markaði heimamanna

Við klöngruðumst upp á fjall og sáum um 5 þúsund ára gömul listaverk.

sturluð náttúrufegurð

Þegar sólin var að setjast þá fórum við aftur að leita að nashyrningum. Þjóðgarðsverðirnir vissu ca hvar þeir voru en ekki nákvæmlega og vorum við heillengi að finna þá. Það var að verða dimmt og við þurftum að fara að drífa okkur til baka sem var smá svekkjandi. EN svo eftir klukktíma labb fundum við þá! Þetta var svo magnað því að það var svo mikil kyrrð og falleg birta. Við vorum svo ótrúlega nálægt þeim, það voru ekki nema 3 metrar. Einn af hápunktum Afríku fyrir mig. Ég þorði lítið að taka myndir þar sem ég vildi ekki að það kæmi flass í augun á þeim og tók þessa einu mynd. Þykir mjög vænt um hana.

//

VICTORA FALLS BUNGEE JUMP

Sometimes I still can’t belive that we did this but we went bungee jumping over the Zambezi river in Victoria falls national park. The theme of our trip was:

FACE YOUR FEARS. So this jump was a good challenge and our friend from the group dared us to do it with him. This jump is 111 meters and free falling for about 5 seconds. I wasn’t really afraid until it was my turn. I felt all the empty space beneath me wich was a weird feeling. When I jumped I waved my hand back and forth to try to stop me or I’m not sure haha. But it was so much fun and you can the a vidoe of the whole jump on my instagarm under the highlight ZIMBABWE. After the jump I had the best winner feeling and we walked over to see the Victoria falls. They were so huge and very pretty.

MATOBO NATIONAL PARK

We had an amazing day at the Matobo national park in southwest Zimbabwe. We had a walking track to find white rhinos. It’s a very sad story with this specie since it is an old asian belief that their horns have healing power like a medicine. But the truth is that the horns are like our nails. Nothing more than that. So they are protected from poachers 24/7.

We found a rhino family lying under a tree. We sat there and enjoyed the moment for a while. Then we walked up a mountain in Matobo and the beauty was one of a kind. We saw 5 thousand year old paintings from the bushmen and then we went to a local market.

When the sun was setting we went again to look for more rhinos. The guards heard them somewhere but didn’t know exactly where they were. We didn’t find them and it was getting dark wich means that we should get going to our car and head back. But at the last moments before it went completely dark we found them! It was the most amazing moment, we stood so close to them, it was about 3 meters. It was one of the absolute most highlight of this trip to Africa. I didn’t want my cameras flash to frighten them so I took one photo without flash and I love it.

Ef ykkur líkar við færslurnar mínar þá er hægt að fá email þegar þær koma inn, það er neðst á síðunni 🙂 Svo er hægt að kommenta undir þær ef þið hafið eitthvað fallegt að segja eða einhverjar spurningar! Eins má alltaf senda á mig beint á instagram// instagram.com/elisapalmad

Takk fyrir að lesa ❤

Elísa Pálma

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: